Për monitorimin e kësaj Strategjie do të ngrihet Komiteti Ndërinstitucional për Masat Kundër krimit të Organizuar, Trafiqeve dhe Terrorizmit, i cili kryesohet nga Kryeministri.

Në mbledhjen e sotme, Këshilli i Ministrave miratoi vendimin “Për miratimin e strategjisë ndërsektoriale të luftës kundër krimit të organizuar, trafiqeve dhe terrorizmit”. Ky vendim do të shërbejë për parandalimin dhe goditjen e krimit të organizuar dhe trafikimit, nëpërmjet masa parandaluese kundër pasurisë.

Për monitorimin e kësaj Strategjie, si dhe koordinimin e të gjitha institucioneve të parashikuara në këtë Strategji, ngrihet Komiteti Ndërinstitucional për Masat Kundër krimit të Organizuar, Trafiqeve dhe Terrorizmit. Komiteti do të kryesohet nga Kryeministri dhe në të marrin pjesë ministri i Brendshëm, ministri i Jashtëm, ministri i Mbrojtjes, ministri i Financave, ministri i Drejtësisë, drejtori i Shërbimit Informativ Shtetëror dhe Prokurori i Përgjithshëm. Në varësi të problematikës, Kryeministri fton edhe përfaqësues të institucioneve të tjera, të përmendura në këtë Strategji.