Zëvendëskryeministri z. Gazmend Oketa priti sot në takim një delegacion të Organizatës Jo Qeveritare Bamirëse të Republikës Islamike të Iranit, “Komitetin e Ndihmave Imam Khomein”, i kryesuar nga z. Habibollah Asgar Oladi, përfaqësues i Liderit Suprem të Republikës Islamike të Iranit në këtë komitet.
Gjatë takimit, përfaqësuesi i komitetit e informoi Zëvendëskryeministrin për aktivitetin e gjerë të këtij Komiteti në Iran dhe në disa vende të tjera, në fushat e asistencës dhe mbrojtjes sociale. Gjatë takimit u diskutua për mundësitë e bashkëpunimit dypalësh në këto fusha dhe u shpreh dëshira reciproke për një shkëmbim sa më të madh eksperiencash.
31/01/2008
